أهمية السوشيال ميديا
خلينا نتفق بشكل جذري و قطعي ان السوشيال ميديا او وسائل التواصل الإجتماعي هي بشكل أو بآخر الطريقة المثالية لخلق علاقة حقيقية مع عملائك و هي أداة مهمه و مؤثرة جدا عشان تخلق لعملامتك التجاريـة شعبية ووجود و تأثير حقيقي عند عملائك الحاليين وجذب عملاء جدد
و عشان تقدر تستغل الأداة دي بشكل فعّال و حقيقي يجب أن تقوم بمتابعة ” مدونات توبي كارت” بشكل منتظم لنخبرك بكل ما هو جديد لتطوير علامتك التجارية و مواكبة الأحداث
لأن توبي كارت منصة إنشاء متاجر إلكترونية و الميزة التي تتميز بها انها بتقدملك خدمة ربط المتجر الإلكتروني بجميع وسائل التواصل الإجتماعي مما يساعدك على إدارة جميع منصات من مكان واحد بالإضافة إلى تسهيل عملية التسويق علي من خلال إعطاء عدة نصائح و تقديم الدعم الكامل من فريق العمل المختص لدينا بمجرد إنشاء متجرك عبر منصتنا
ولكن خلينا نتكلم المرة بشكل مفصل عن “كيفية استغلال أداة زي السوشيال ميديا ” في تكوين شعبية و الوصول الي عدد كبير من العملاء المُحتملين وذلك عن طريق
كيف أصنع خطة تسويقية لمنتجات متجرك الإلكتروني عبر السوشيال ميديا؟
1- الاهتمام بالأحداث التي تقع في محيطك الجغرافي والفكري.
لأن هذة الفكرة تقرب بينك و بين الناس بمسافات لكونهم يشعرون و كأنك تتحدث بلغة مشاعرهم و ما يجول في خواطرهم مما يدفعهم للتواصل الحقيقي معك
2- صياغة الموضوع لكي يكون تفاعليًا.
الناس بتحب تقول رأيها
حاول انك تنهي الموضوع او الفكرة اللي بيتم طرحها بتساؤل لتدفع الناس للمشاركة بآرائهم معك و ذلك سيساعدك في رفع عدد المشاركات و الريتش و التفاعل الأكثر على محتواك
3- تنسيق الموضوع وتزيينه بالصور.
طبعا اختيار صور و جرافيكس بتعبر عن المحتوي اللي بيتعرض بيأثر بشكل كبير ومحوري علي التفاعل مع البوست و ذلك لأن الرؤية لها وقع كبير في جعل الجمهور يقوم بالتفاعل معك على اي محتوى
4- اللعب على وتر المشاعر والعواطف.
افتكر دايما انك بتبيع للناس/ بشر / بني ادمين
يعني ليهم مشاعر و عواطف بيتم التفاعل معاهم عن طريق المشاعر أولا حتي لو نوعية المنتج او طبيعه البزنس بتاعك مادي او عملي بشكل كبير
دور ديما علي الجزء اللي بيخص المشاعر في الفكرة و بروزها بشكل كبير
5- الحديث عن أفكار صماء واضحة سهلة.
ابعد عن الفزلكة
بلاش تشرح الفكرة بطرق ملتوية و تحمل معاني كتير, ابعد الغموض و الإحتمالات في توصيل الفكرة لأن دا يفقد تركيز الجمهور منك, مش كل الناس بتحب الألغاز خصوصا لو عايز توصل رسالة معينة
6- اطلب مساعدة أصدقائك في نشر الموضوع والحديث عنه.
المشاركة مفيدة جدا
كل ما قدرت تخلي ناس كتير تتكلم عن اللي انت بتنشره دا هيساعد ان البوست بتاعك او الفكرة اليل بتقدمها يتم تداوالها أسرع و اوضح لفئات مختلفة و في وقت قليل
7- استخدم “الهاشتاج” السهل والواضح.
الهاشتاج هيساعدك تعمل سلسلة لكل كامبين فبمجرد ما بتكتبه و بتعمل سيرش به كل البوستات اللي بتتكلم عن نفس الفكرة هتظهر لعميلك بشكل سهل و واضح و منظم
فلازم تختار هشتاج له وقع رنان و ذكي و ياريت لو دمه خفيف ويناسب طبيعة منتجك اكيد ساعتها الناس مش هتنساه و هيبقي مؤثر
8- الوصول لـ10 آلاف مستخدم يضمن لك الوصول كـ”ترند” على الـ”سوشيال ميديا”.
احرص على زيادة عدد المتابعين لتكون قريبا من أي شهرة مفاجأة ممكن تحصل من أي فكرة جديدة بتقدمها لأن وجود متابعين كتير بيزود احتمالية أنك تشوف أكتر
و في النهايـة متنساش تتابعنا عشان نقولك أكتر عن السوشيال ميديا و عن المتاجر الإلكترونية و ازاي تزود مبيعاتك عن طريق الدمج بينهم
